Шефот за надворешна политика на ЕУ, Жозеп Борел, изјави дека Русија го користи природниот гас за да ја уценува Молдавија, една од најсиромашните држави во Европа. Молдавија прогласи вонредна состојба минатата недела, откако нејзиниот договор за гас со руската државна компанија „Гаспром“ истече кон крајот на минатиот месец, а двете страни не успеаја да се договорат за нов. Некои набљудувачи сметаат дека Москва ги зголемила цените како одмазда за Молдавија поради изборот на прозападната претседателка Маја Санду минатата година. Европската Унија вети 60 милиони евра помош за Молдавија.
Advertisements
