Шефот за надворешна политика на ЕУ Џозеф Борел и американскиот државен секретар Ентони Блинкен, кои заеднички учествуваат на важен состанок на Советот на ЕУ посветен на војната во Украина, велат дека се обединети во барањето војната да престане и да сторат сè за таа да се случи.
Пред средбата, Борел нагласи дека во Украина има многу цивилни жртви, додавајќи дека Русија води „варварски начин на војна“ и најави мисија на Советот за човекови права која ќе го проценува кршењето на човековите права во Украина.
„Ова е војна на Путин и тој мора да ја прекине. Ќе останеме обединети во барањето да се запре војната и да се избегне убивање невини луѓе“, рече Борел./Makfax
