Бил Мареј, еден од најпознатите холивудски актери, доаѓа во Хрватска.
Според „Варајети“, Мареј ќе го посети Меѓународниот филмски фестивал во Хрватска во Шибеник, каде што неговиот нов филм „Пријателот“ ќе биде прикажан на 8 август, со што ќе се отвори фестивалот.
Во филмот, покрaј Мареј, глуми и Наоми Вотс, а режисери се Скот Мекги и Дејвид Сигел, кои, исто така, ќе дојдат во Хрватска.
„Сакавме да ја посетиме Хрватска уште од кога работевме со големиот хрватски актер Горан Вишњиќ во нашиот филм „Длабокиот крај“, рекоа режисерите во официјално соопштение.
„Многу сме возбудени што ќе го прикажеме филмот „Пријателот“ во Шибеник“, додадоа тие.
Бил Мареј ја започна својата кариера во 1970-тите во „Сабота навечер во живо“, а славата ја стекна со улоги во филмови како што се „Ловци на духови“, „Бескраен ден“, „Голф клуб“ и многу други.
Текстот Бил Мареј доаѓа во Хрватска е превземен од МАКФАКС.
