Американскиот претседател Џо Бајден на состанокот со британскиот премиер Кир Стармер во Белата куќа рече дека не мисли многу на заканите од рускиот претседател Владимир Путин за војна со НАТО ако западните сојузници и дозволат на Украина да гаѓа цели длабоко во внатрешноста на Русија, пренесува ДПА, објави МИА.
Стармер изјави дека следните недели и месеци ќе бидат „одлучувачки“ за Украина и рече дека е „од витално значење“ двете земји да продолжат да поддржуваат да го поддржуваат Киев во борбата против Москва.
Состанокот Буш – Страмер се случува во момент кога украинскиот претседател Володимир Зеленски ја изрази својата фрустрација поради континуираните ограничувања за употребата на западното оружје против руски цели.
Рускиот претседател Владимир Путин се закани дека ако на Украина и биде дозволено да нападне со оружје со долг дострел, тоа „би значело дека земјите на НАТО, САД и европските земји се во војна со Русија […] а ако е така, тогаш, имајќи ја предвид промената на самата суштина на конфликтот, Москва ќе донесе соодветни одлуки врз основа на заканите што ќе се создадат“.
На прашањето што мисли за заканата од Путин од војна, Бајден одговори: „Не се согласувам: не мислам многу на Владимир Путин. Путин нема да победи во оваа војна“.
Бајден му се заблагодари на Стармер за неговото „лидерство“ и за британската поддршка на Украина.
извор МИА
