Валентина Палома Пино, 17-годишната ќерка на Салма Хајек, станува се поинтересна и попозната на јавноста и медиумите. Таа привлече големо внимание минатата недела на настан за време на модната недела во Париз и луѓето без престан зборуваат за неа.
Нејзината мајка е вистинска холивудска ѕвезда која ја започна својата кариера во 90-тите години во филмовите како Десперадо со Антонио Бандерас. Денес таа е глобално позната, а нејзиниот егзотичен изглед и харизма ја наведоа да соработува со најголемите имиња во филмската индустрија – Џорџ Клуни, Метју Пери и Анџелина Џоли.
А сопругот на Салма и татко на Валентина, Франсоа-Анри Пино, е француски милијардер и еден од најмоќните луѓе во светот на модата. Тој ја предводи групата Керинг, која ги држи модните гиганти како Гучи, Баленсијага, Сен Лоран и многу други под своја закрила.
Иако порасна во центарот на вниманието, Валентина Палома покажува дека има свои соништа и амбиции кои ги надминуваат презимето и богатството на нејзиното семејство. Иако има само 17 години, таа веќе го привлекува вниманието на модниот свет, медиумите и филмската индустрија.
Салма Хајек во неколку наврати во интервјуата потенцираше колку и е важно Валентина да остане приземјена, и покрај привилегиите што ги има. Тие често оделе на одмор во Мексико, посетувајќи го родниот град на Салма, Коатзакоалкос, а Салма ја научила својата ќерка за важноста на семејството, традицијата и помагањето на другите.
Валентина течно зборува четири јазици од мала – шпански, англиски, француски и италијански. Иако нејзиното образование останува главно приватно, познато е дека посетува едно од престижните меѓународни школи во Париз, а во слободното време ужива во сликање, пишување и фотографија.
Валентина дури во последните неколку години почна да се појавува во јавноста, а модниот свет веднаш ја забележа. Таа се појави со нејзината мајка Салма на насловната страница на Vogue Mexico во 2022 година, што беше нејзиното вистинско деби во светот на модата. Критичарите го пофалија нејзиниот природен шарм, едноставност и елеганција.
Минатата година, таа беше видена на неколку големи модни настани – меѓу кои и на Balenciaga Couture Show и на Gucci Love Parade – секогаш придружувана од нејзините родители, но и сама, каде што го покажува своето растечко присуство во модните кругови.
Валентина не сака да застане само на модата. Во интервју за Vogue Mexico во 2023 година, таа призна дека сериозно размислува за актерска кариера, исто како и нејзината мајка. Сепак, таа додава дека нејзиниот вистински сон е да стане режисер. „Мислам дека треба да бидете пред камера за да разберете што значи да се биде зад камерата. Така подобро ќе знаете како да ги водите другите актери и да раскажувате приказни”, вели таа.
Таа напомена и дека би сакала да се занимава со хуманитарна работа, со посебен акцент на заштитата на животната средина и правата на жените. Со тоа таа јасно ги наследи вредностите што и ги всади мајка ѝ – Салма е позната по нејзината хуманитарна работа и борба за правата на жените и децата.
Текстот Ќерката на милијардер и холивудска дива ја освојува јавноста: која е Валентина Палома Пино е превземен од МАКФАКС.
