Уапсен е мажот кој вчера со огнено оружје изврши напад во воз во метрото во Њујорк и рани десетина лица. Френк Р. Џејмс (62) е приведен на Менхетен, изјави од њујоршката полиција.
Претходно, напаѓачот на социјалните мрежи објавувал видеа на кои вели дека САД се расисти, преплавени со насилство и го критикува градоначалникот на Њујорк Ерик Адамс. Тој зборувал и за неговата борба со ментална болест.
Според информациите кои ги сподели полицијата, вооружениот напаѓач активирал димни бомби во преполн вагон на метрото, а потоа со пиштол пукал најмалку 33 пати.
Петорица од десетината ранети се во критична состојба, а на уште десет им е укажана помош од вдишување чад и повреди.
Напаѓачот избега за време на хаосот по нападот во метрото, но оставил многу траги и предмети, меѓу кои пиштол купен кај заложник и клучот од комбето што го изнајмил, и врз основа на тоа бил идентификуван и пронајден.
