Руските сили го претрпеа најсмртоносниот ден од почетокот на целосната инвазија на Украина, според бројките објавени од Киев денеска.
Според информациите од Генералштабот на вооружените сили на Украина, московските сили во изминатиот ден загубиле 1.950 војници.
Ова го надмина претходниот рекорд од 1.770, поставен само еден ден претходно. Вкупната бројка, според податоците на Украина, сега изнесува 712.610.
Податоците не прецизираат дали се убиени или ранети, иако генерално се смета дека вклучуваат мртви, ранети, исчезнати и заробени. Бројките се во согласност со проценките на западните земји.
Зголемувањето на жртвите доаѓа откако руските сили го засилуваат притисокот долж линијата на фронтот.
Сојузниците на НАТО веруваат дека рускиот претседател Владимир Путин сака да ја врати територијата под контрола на Украина во регионот Курск пред инаугурацијата на Доналд Трамп на 20 јануари.
Проценката на британското разузнавање, во која имал увид и The Telegraph, предупреди дека Русија може да ги интензивира нападите со беспилотни летала камикази врз украинските позиции, користејќи нови пунктови за лансирање во близина на границата.
Во обид да ја врати контролата, Русија распореди 50.000 војници, вклучително и војници од Северна Кореја, во областа Курск.
Украинскиот командант Олександр Сирски рече дека „десетици илјади непријателски војници од најдобрите руски јуришни единици“ се обидуваат да ги истуркаат украинските сили од руската енклава, предизвикувајќи загриженост за можна значајна ескалација на војната.
И украинскиот претседател Зеленски вчера потврди дека Украина се бори со 50.000 руски војници во Курск.
Текстот Украина: Русија загуби најмногу војници од почетокот на војната во текот на вчерашниот ден е превземен од МАКФАКС.
