Францускиот ас Килијан Мбапе повторно е во фокусот на вниманието и во овој летен преоден рок. И повторно е пред трансфер во Реал Мадрид, но реализацијата навистина не е лесна да се изведе. ПСЖ бара 200 милиони евра отштета, а и Мбапе за петгодишен договор би требало да добие околу 250 милиони евра, плус бонуси.
Флорентино Перез ги има парите, но можеби ќе го почека до следното лето, кога ќе биде слободен агент. Од друга страна, ПСЖ апсолутно не сака да дозволи нивниот најдобар фудбалер да замине бесплатно, па му постави ултиматум, или да потпише нов договор или ќе биде продаден.
Англиските медиуми пишуваат дека Мбапе од клубовите во Премиер – лигата го преферира Арсенал, но, сепак, јасно е дека во моментов единствено три клуба имаат моќ да го доведат во своите редови. Тоа се Манчестер Сити, Њукасл и Реал Мадрид.
