Младите македонски ракометари ја победија Унгарија со 22:20 на Светското ракометно првенство во Хрватска и ќе се борат за пласман на деветтата позиција во конечниот поредок. Најефикасни во селекцијата на Македонија беа Калајџиески и Петковски со по пет гола, додека Ристевски додаде четири.
Македонија веќе го има обезбедено десеттото место, што е најдобар пласман на светските првенства во кадетска конкуренција, со оглед дека во Скопје во 2019 година го имавме 15.место.
Мечот против Унгарија беше неизвесен, на полувреме се замина со 12:12, но во вториот дел Македонија сепак успеа да се одлепи и да слави триумф. Во битката за деветтата позиција македонските ракометари ќе играат против Чешка.
