Суданската армија денеска нападна паравоени формации во главниот град Картум, а смртоносни борби се разгореа во Дарфур.
Доцна во средата, војската соопшти дека се согласила на разговори во Џуба, главниот град на соседен Јужен Судан, за продолжување на тридневниот прекин на огнот што истекува во петок „на иницијатива на Меѓувладината управа за развој (IGAD),“ регионалниот источноафрикански блок.
Имаше неколку обиди за примирје откако избија борби на 15 април меѓу суданската редовна армија предводена од генералот Абдел Фатах ал-Бурхан и паравоените сили за брза поддршка (РСФ) командувани од неговиот заменик кој стана ривал, Мохамед Хамдан Дагло. Сепак, тие не беа успешни.
Борбите продолжија и покрај прекинот на огнот со посредство на Соединетите држави, кој стапи на сила во вторникот.
