Властите во германскиот град Валдорф им наредија на сопствениците на мачки во некои делови од градот да ги чуваат дома своите миленици до крајот на август, додека не заврши периодот на гнездење на високо загрозен вид птици.
Градските власти го усвоија декретот со цел да го заштитат птиците кои ги градат гнездата на земја, поради што неговите млади се лесен плен за предаторите. Популацијата на овие птици драстично се намали во последните децении во Западна Европа.
Во одлуката на властите се наведува дека „опстанокот на тој вид, меѓу другото, зависи и од секоја поединечна птица“, а соопштено е дека мерката се однесува на сопствениците на мачки во јужните делови на градот и ќе се применува во следните три години.
Одлуката предизвика бура од гнев кај љубителите на мачки, како и кај локалните активисти за заштита на животните.
Регионалниот дневен весник Рајн-Некарцајтунг објави дека шефот на локалната организација за заштита на животните има намера да преземе правни чекори за да ја оспори одлуката на градот.
„Останете смирени. Ве уверувам дека ќе направиме се што можеме за да ја спречиме оваа непропорционална мерка“, рече тој.
