„Путин не само што сака да го попречи Самитот за мир и се обидува да направи сѐ за да ја постигне својата цел, туку се плаши и од тоа што може да донесе Самитот“, рече украинскиот претседател Зеленски во своето видео обраќање во петокот вечерта, во пресрет на подготовките за Самитот за мир во Украина, кој ќе се одржи од 15 до 16 јуни во Швајцарија, објави Civil Today.
Досега пристигнаа повеќе од 70 потврди за учество на ниво на шефови на држави и влади и организации. Половина од потврдите моментално доаѓаат од Европа, а другата половина од остатокот од светот. Своето учество јавно го најавија 11 држави, вклучително и Индија, претседателот на Европската комисија и Германија.
„Светот е способен да ја принуди Русија на мир и усогласеност со меѓународните безбедносни норми. Русија нема со што да му опонира на светското мнозинство: и покрај сите лаги на Путин, тој зависи од неговата околина – во широка смисла на овој збор. Тој зависи и од меѓународната средина“, рече претседателот Зеленски.
Следејќи го барањето на Украина, Швајцарија покани над 160 делегации од целиот свет да се приклучат на првиот Самит за мир во Украина на 15-16 јуни 2024 година во Бургеншток.
Самитот за мир е формат што нема да дозволи Путин повеќе да лаже. А без лагите, тој е апсолутно ништо.
Володимир Зеленски
Самитот ќе се надоврзе на дискусиите што се одржаа во последните месеци, особено на украинската Формула за мир и други мировни предлози засновани на Повелбата на ОН и клучните принципи на меѓународното право. Главната цел на самитот е да инспирира иден мировен процес.
„Самитот за мир е формат што нема да дозволи Путин повеќе да лаже. А без лагите, тој е апсолутно ништо. И им благодарам на сите во светот кои ни помагаат да го организираме Самитот и кои го покажуваат своето лидерство за да се доближиме до вистинскиот мир“, рече претседателот на Украина.
Според официјалната веб-страница на Самитот, за да се постигне ова, самитот има намера да:
- Обезбеди платформа за дијалог за начините кон сеопфатен, праведен и траен мир за Украина врз основа на меѓународното право и Повелбата на ОН;
- Промовира заедничко разбирање за можната рамка за постигнување на оваа цел;
- Да дефинира заеднички патоказ за тоа како да се вклучат двете страни во идниот мировен процес.
