Премиерот на Албанија Еди Рама за првпат проговори за проектот што го претстави зетот на поранешниот американски претседател Трамп во Албанија. Станува збор за најавена инвестиција од околу милијарда долари на островот Сазан и во поморскиот регион Зврнец.
„Деновиве Џаред Кушнер, голем американски претприемач и зет на поранешниот претседател Трамп, јавно ја објави својата амбиција да инвестира во две големи претпријатија во Албанија. Оние кои до вчера ни ги прикажуваа Црна Гора и Македонија како недостижни примери во туризмот и странските директни инвестиции, денес зборуваат за опасноста што му се заканува на Сазан да се претвори во скапоцен камен на златната круна на туризмот на Медитеранот. Вистината е во тоа што не е колку се ирелевантни овие предупредувања за опасноста што и се заканува на албанската природа од промените во законот за заштитени подрачја или од доаѓањето во Сазан на најпрестижната хотелска компанија во светот која изгради десетина структури во места на светско наследство на УНЕСКО во Азија и Блискиот Исток. Вистината што е важна е дека Албанија е шампион во туризмот во регионот“, рече Еди Рама, премиер на Албанија.
