Фронтменот на украинскиот бенд Калуш Оркестар, кој вчера победи на Евровизија, денеска е снимен како се збогува со девојка пред да се врати во Украина, каде, како што пишува британски Дејли Мејл, ќе ѝ се придружи на украинската војска на првата линија.
Олег Псиук, фронтменот на украинската фолк-рап група Калуш Оркестар, денеска е снимен пред неговиот хотел во Торино додека се збогува со својата девојка Олександра.
Eurovision winner kisses girlfriend goodbye outside hotel as he prepares to join frontline in war against Russia https://t.co/prZCfkJcrH
— Daily Mail Online (@MailOnline) May 15, 2022
Според Дејли Мејл, Псиук се вратил во Украина по трогателен и јавен поздрав и се приклучил на линијата на фронтот.
Потсетуваме, Украина синоќа победи на Евровизија, додека Велика Британија заврши на второто место, а Србија беше петта.
Украинскиот претседател Володимир Зеленски зборуваше набргу по објавувањето на резултатите, поздравувајќи ја победата, па дури и вети дека натпреварот ќе се одржи во Мариупол следната година.
