Денвер Нагетс уште еднаш не успеаја да добијат натпревар кога Никола Јокиќ запиша трипл-дабл. ЛА Лејкерси во дербито на Западот славеа над Минесота, а Стеф Кари во Орландо ја доби револверашката пресметка со Паоло Банкеро.
Милвоки го победи Денвер со 121:112. Јокиќ го предводеше Денвер со трипл-дабл од 32 поени, 14 скокови, 10 асистенции. Србинот го запиша 27.трипл-дабл сезонава, 157. во кариерата. Не доби поддршка од соиграчите, го следеше само Џамал Мареј со 20 поени.
На спротивната страна Јанис Адетокумбо имаше 28 поени, 19 скокови и седум асистенции.
Лос Анџелес Лејкерс на домашен терен ја совлада Минесота со 111:102. За тимот предводен од Лука Дончиќ и Леброн Џејмс тоа беше осма победа во последните десет натпревари и го задржаа петтото место на Западот, додека гостите ги очекува жестока битка за плејоф или плеј-ин место.
Дончиќ не беше особено расположен. Зад своето име запиша 21 поен, 13 скока и пет асистенции, но лошо шутираше погоди само 6 од 20 удари, вклучително и една од деветте тројки. Тимот го предводеше Џејмс со 33 поени (11/21 шут), 17 скока и шест асистенции.
На Флорида Голден Стејт Вориорс го победија Орландо со 121:115. Предводник беше неверојатниот Стефон Кари кој постигна 56 поени, Пост додаде 18, а Грин 12. На домашниот тим не му помогна ниту одличното издание на Банкеро, кој заврши со 41 поен.
Текстот (Видео) Залуден трипл-дабл на Јокиќ во Милвоки, Кари против Орландо броеше до 56, Леброн ја реши Минесота е превземен од МАКФАКС.
