Се надевам дека европското единство нема да биде скршено, бидејќи ова не е моментот да ја ослабнеме нашата поддршка за Украина, вели шефот за надворешна политика на ЕУ, Жозеп Борел, пред состанокот на министрите за надворешни работи на блокот.
Борел го повика денеска блокот да ја засили својата поддршка за Украина, бидејќи Унгарија се заканува на самитот оваа недела дека ќе стави вето на поголема поддршка за таа држава разурната од војна.
Стравувањата дека европската поддршка за Украина би можела да биде исфрлена од шините растат во исто време кога поддршката на клучниот сојузник на Киев, САД беше ставена во сомнеж поради противењето на републиканците во американскиот Конгрес.
Лидерите од Европската унија в четврток ќе одржат состанок на кој унгарскиот премиер Виктор Орбан се заканува дека ќе ја блокира помошта од милијарди долари и ќе ги одложи преговорите за членство во ЕУ за Киев.
