Првите апчиња против коронавирус кои ќе може да се пијат и без да се оди во болница, можно е да бидат достапни во Европа до крајот на годината, ако бидат одобрени, тврди Лука Чичин Шаин, имунолог од Брауншвајг за ХРТ. Лекот ќе им помогне на луѓето со слаб имунитет и на тие кои веќе имаат тешки болести, а моментално се тестира на невакцинирани луѓе во Украина, пишува Нет.
– Интересно, сепак, Мерк разви лек – Молнупиравир – што се зема преку уста и луѓето можат да го земаат дома без да мора да одат во болница. Може да почнат да го пијат дури и пред да се влошат работите. Тоа е нешто што е во процес на признавање и сите се надеваме дека резултатите ќе бидат доволно убедливи за да бидат широко користени и дека до крајот на оваа година лекот може да стане достапен во Европа и Хрватска – изјави Шаин за ХРТ.
Шаин, исто така смета дека третата доза на вакцина треба да им се даде на луѓе за кои првите две дози не биле доволни.
– Тоа се луѓе кои имаат оштетен имунолошки систем, приматели на органи кои земаат силни имуносупресивни лекови, луѓе кои имаат тешки автоимуни заболувања и луѓе постари од 80 години. Нивниот имунолошки систем не е толку ефикасен и имунитетот побрзо паѓа, па затоа има смисла да се добие трета доза за да им го зајакне – рече Чичин Шаин.
Кога станува збор за грипот, вирусниот имунолог верува дека сè уште не сме стигнале до фаза кога грипот станал посериозен од коронавирусот.
– Грипот е инфекција што е помалку опасна за секој поединечно. Смртноста од инфекција со грип е многу помала од смртноста од инфекција со корона. Треба да има многу повеќе луѓе кои се заразени со грип за тој да стане поопасен од короната, но во моментов тоа не е случајот – рече тој.
Тој додаде дека маските и мерките за дистанцирање што нè штитат од коронавирусот, функционираат многу добро и со други респираторни вируси, вклучувајќи го и грипот.
Republika.mk – содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
