Во рамки на проектот„Дете за дете“ што беше инициран и започна во ноември од средношколци од повеќе градови од Повардарието сместени во Ученичкиот дом „Лазар Лазараевски“ попознат како Интернат во Велес тие подготвија новогодишни пакетчиња , кои денеска им ги поделија на дечињата кои моментално се на лекување во Детското одделение при велешката Општа болница во Велес. Тие ги израдуваа дечињата и им посакаа брзо оздравување, информира за МИА Марјанчо Јорданов, директорор на Интернатот.
Воедно средношколците од велешкиот Интернат утре пакетчиња ќе им поделат, а пред се’ ќе се дружат со младите кои го посетуваат Дневниот центар за лица со посебни потреби.Тие најавија дека ќе чуваат и новогодишно пакетче за првото родено бебе во новата 2024 година во Велешката болница.
Проектот започна со подготовка на убаво украсени и вкусни ситни колачи изработени од учениците од домот, а кои учат во угостителската струка во ССОУ „Коле Неделковски“, кои потоа ги однесоа и им ги поделија на учениците од Основното училиште со Ресурсен центар„Маца Овчарова“ во Велес ги израдуваа и се заедно се дружеа.
– Јас сум горд на иницијативата за хуманост „Дете за дете“ која на дело ја искажаа сите ученици сместени во Ученичкиот дом „Лазар Лазаревски “ и нека биде пример за вакви и други иницијативи на хуманости и за останатитен ученици од ученичките домови и училишта во земјава, потенцира Јорданов.