Се очекува денеска кандидатот за технички премиер во Бугарија, Горица Гранчарова-Кожарева да започне разговори за составот на привремениот кабинет, јави БТА.
-Претседателот даде рок до 19 август да достави проект за кабинетот, што значи дека од утре ќе почнам разговори со актуелните министри, но и со други експерти, изјави таа вчера. Ќе формирам кабинет за да се обезбеди нормално функционирање на државата додека не се формира редовна влада, додаде таа.
Кожарева истакна дека најважна задача на преодната влада е одржувањето фер избори.
Шефот на државата Румен Радев ја назначи Горица Гранчарова-Кожарева за кандидат за состав на техничка влада.
Најсоодветниот датум за новите предвремени парламентарни избори е 20 октомври, рече Радев.
