Претседателот на Република Северна Македонија Стево Пендаровски ги поддржува младите лекари и приватните специјализанти во нивната борба за достоинствени плати.
Фер и правилно е секој да биде соодветно вреднуван за својот труд и знаење а младите лекари не само што не смеат да бидат исклучок, туку треба да бидат предводници на тоа правило, вели Пендаровски.
-Соодветно платени и обезбедени млади лекари и специјализанти денес, се врвни доктори и медицински лица во иднината. Обезбедувањето на фер надомест, платени придонеси и достојни услови за учење и работа, се главните предуслови, младите лекари и специјализанти своите кариери да ги продолжат тука, во својата земја. Младите лекари и приватни специјализанти мора да го добијат она што го заслужуваат, се вели во соопштението од неговиот кабинет.
Инаку, влера младие доктори специјализанти излегоа пред Министерството за здравство и се заканија дека ќе почнат со протести, доколку не им се подобри статусот. Тие се пожалија на ниските примања, но и дека немаат здравствено осигурување.
