Министерот за надворешни работи и надворешна трговија Тимчо Муцунски, денеска остварил средба со шефот на Мисијата на ОБСЕ во Скопје, амбасадорот Килиан Вал.
На средбата, како што соопшти Министерството за надворешни работи и надворешна трговија, била потврдена долгогодишната соработка со ОБСЕ во различни области, при што била изразена поддршка за напорите на Организацијата насочени кон зајакнување на соработката и одржување на мирот во регионот на ОБСЕ.
Двајцата соговорници, како што е наведено во соопштението, изразиле задоволство од досегашната соработка помеѓу ОБСЕ и македонските институции, и ја потврдиле подготвеноста за нејзино продолжување.
Муцунски и Вал размениле мислења и за тековните активности на Мисијата и заеднички ја реафирмирале посветеноста на продолжување на проектите кои ги поддржуваат реформските процеси на новата Влада.
