30-годишна македонска државјанка загина, а три млади девојки се повредени во тешка сообраќајка која се случила во близината на Солун. Според грчките медиуми, 30 годишна жена е почината, а нејзини две сопатнички се во болница во Верија, додека една е во Солун.
Во Верија е пренесена 27-годишна жена која веднаш е подложена на опеорација, додека 25-годишната жена минала со полесни повреди. Пренесената жена во Солун била во животна опасност.
Во облницата во Верија бил пренесен и маж, возач на другото возило.
Сообраќајката се случила на пет километри по излезот на Нисели во правец кон Солун, кога се судритле двете возила. За извлекување на жените била потребна и помош од пожарникари.
