Ветувањето дека Украина ќе стане членка на НАТО мора да се исполни, но Украинците не можат да чекаат уште 75 години за тоа да се случи, изјави украинскиот министер за надворешни работи Дмитро Кулеба за Си-Ен-Ен.
Кулеба истакна дека Украина во изминатите неколку дена на Самитот на НАТО видела многу охрабрувачки сигнали на сите нивоа дека патот кон членството е неповратен.
– Ќе бидеме целосно среќни кога Украина ќе стане членка на НАТО. Но, не можеме да чекаме уште 75 години за да го прославиме пристапувањето на Украина, тоа мора да се случи порано, бидејќи тоа е единствениот начин да се обезбеди стратешка безбедност и стабилност во евроатлантскиот регион, заклучи Кулеба.
