Водителката на популарното кулинарско шоу „Брза кујна“, Александра Илиевска со својот сопруг Александар го очекуваат своето прво дете.
Поради нејзината состојба, таа моментално е оправдано отсутна од емисијата и ужива во последните денови од бременоста.
Иако во последно време не можеме да ја видиме на тв – екраните, Александра на својот инстаграм – профил честопати споделува моменти од својот приватен живот.
Дека бременоста и паузата од работните обврски навистина ѝ годат, зборува секоја нејзина објава на социјалните мрежи. Водителката едноставно изгледа поубаво од кога било.
Така, деновиве објави фотографија на која позираше во стилска, црно сива комбинација, со високи црни чизми и здолниште, честитајќи им ја новата година на своите пријатели и обожаватели.
„Нека Новата година нè благослови со здравје, богатство и среќа. На здравје за одлична година“, посака таа.
