Европската Фудбалска Федерација направи голема забуна во цела светска спортска јавност со потегот кој го повлече вчеравечер, бидејќи прво го објави комплетниот распоред за квалификациите за Европското првенство, а потоа го повлече истиот со образложение дека има технички грешки.
Распоредот за „рисовите“ на Благоја Милевски останува непроменет и терминот за одигрување на сите осум натпревари останува ист, што значи дека почнуваме со Малта, а завршуваме со Англија.
Селекторот Милевски по извлечената ждрепка нагласи дека Македонија не можела да добие потешка група од онаа која ја доби, бидејќи покрај актуелниот вицешампион Англија, во групата е и освојувачот на последниот континентален турнир, селекцијата на Италија.
РАСПОРЕД НА НАТПРЕВАРИ НА МАКЕДОНСКАТА РЕПРЕЗЕНТАЦИЈА:
23. март 2023 Македонија – Малта
16. јуни 2023 Македонија – Украина
19. јуни 2023 Англија – Македонија
09. септември 2023 Македонија – Италија
12. септември 2023 Малта – Македонија
14. октомври 2023 Украина – Македонија
17. ноември 2023 Италија – Македонија
20. ноември 2023 Македонија – Англија
Извор: Дерби
