Тренерот на Милан, Стефано Пиоли изрази поддршка за своите фудбалери кои денес загубија во дербито со Интер со 0:3.
Милан по 23. коло на италијанскиот шампионат е втор со 49 бода, четири помалку од лидерот Интер.
– Првиот примен гол силно нè погоди. Во првото полувреме ни недостасуваше интензитет, моравме да сториме повеќе. Заслуживме гол во второто полувреме. Ибрахимовиќ? Напаѓачот е зависен од играта на тимот. Ние веруваме во работата што ја завршивме. Треба да бидете објективни. Пред една година, дури и пред три месеци, ќе бевме среќни да бидеме таму каде што сме сега, изјави Пиоли.
Тој очекува лошата резултатска серија да остане зад Милан.
– Тоа беше предизвикувачка недела, најлошата во сезоната. Ние сакаме да се пласираме во следната фаза од Лигата на Европа и потоа повторно да се фокусираме на Серија А, додаде Пиоли.
Милан во Лига Европа го очекува реванш на домашен терен со Црвена звезда, по нерешените 2:2 во Белград.
