Независната угостителска комора смета дека новите протоколи за организирање на свадби се контрадикторни и нелогични и со нив се прави ограничување во вршењето на угостителската дејност, односно им се дозволува работење само на определени угостителски објекти.

Advertisements

„Јасно и јавно кажавме и повторно напоменуваме дека свадби/прослави и веселби имало и ќе има во сите угостителски објекти кои се регистрирани за вршење на угостителска дејност и работат согласно шифрите на дејност 56 – Дејности за подготовка на оброци и служење на храна регистрирани согласно Законот за угостителска дејност во Централниот регистар на РСМ. Во ниеден закон, уредба или правилник не постои новосоздадениот термин – ресторани за свадби со кои се ограничувало или се ограничува организирање на свадби/прослави и веселби исклучиво под определени услови во одредени угостителски објекти. Свадби/прослави и веселби меѓу кои спаѓаат и крштевки, родендени, свршувачки, матурски, дипломски, разни годишнини не се организирале ниту ќе се организираат само во овие т.н. ресторани за свадби, туку се организирале и ќе се организираат во сите угостителски објекти“, велат од НУК.

Прикажи повеќе