Тимот на Барселона можеби има потешкотии, но тоа нема врска со шпанското првенство. Каталонскиот тим досега има примено само 7 гола, додека 3 од нив се на натпреварот против Реал Мадрид. Со победата од 2-0 над Кадиз, Барселона остана без гол на 17 натпревари, со што го надмина рекордот на Депортиво Ла Коруња, која во сезоната 1993/’94, имаше 16 натпревари без примен гол.
Маркус Рашфорд ја има најдобрата сезона во кариерата, откако досега постигна 24 гола во сите натпреварувања. 25-годишниот напаѓач со двата гола против Лестер успеа да го надмине Вејн Руни. На 3 март Рашфорд ќе се обиде да ја продолжи својата позитивна серија и да го следи рекордот на Кристијано Роналдо со 10 голови по ред на „Олд Трафорд“.
Борусија Дортмунд ја совлада Херта Берлин со 4-1 во последната недела од Бундеслигата, придружувајќи им се на Баерн Минхен и Унион Берлин на врвот на табелата. Сепак, ова остана и историска победа за младиот играч од средниот ред на Англија, Џуд Белингем. Тој ја прослави својата 50-та победа во Бундеслигата со само 19 години и 235 дена.
А, во Франција, Марсеј има одлична сезона под водство на хрватскиот тренер Игор Тудор. По 24 недели во Првата лига, Марсеј има 52 бода. Ниту еден тренер претходно не успеал да ја достигне оваа квота на бодови како Тудор, иако пред него со тимот раководеа имиња како Франц Бекенбауер, Дидие Дешамп и Марсело Биелса.
Махир Тачи
