Одењето на море, освен уживање, носи и бројни здравствени придобивки. Морската вода ја чисти кожата, морската храна е лесна и здрава, а разните морски спортови согоруваат калории и градат мускули.

Сепак, и да не сте голем љубител на нив, она што можете да го практикувате додека сте на море, освен пливање, секако е и шетање низ вода, што носи изненадувачки добри резултати, пишува Зафетна.хр, а пренесува Сити магазин.

Како што пренесува razvodna.hr, оваа вежба со низок интензитет е идеална за оние денови кога можеби сте премногу уморни за да пливате, но би сакале да искористите се што ви нуди морето. Сепак, освен на море, можете да шетате и во базенот.

Која опција и да ја изберете, ќе си обезбедите одличен кардио тренинг кој ќе ви помогне да согорите калории и во исто време благотворно ќе влијае на многу мускулни групи.

Придобивките од одење во вода

Водата е многу погуста од воздухот, така што вежбите во морето бараат повеќе напор отколку истите вежби на копно.

Отпорот на одење во вода ви овозможува да ги предизвикате и зајакнете вашите мускули на начини на кои можеби нема да можете со стандардна рутина за вежбање на копно. Исто така, шетањето во море помага да согорите повеќе калории, што може да ви помогне да изгубите тежина.

Со оглед на тоа што се работи за вежбање со низок интензитет, одењето во вода е понежно за вашите коски и зглобови, што го прави безбедна опција за луѓето кои страдаат од артритис или остеопороза.

Поради тоа што не врши притисок врз телото, шетањето во море може да биде добра вежба за трудници, лица кои се опоравуваат од повреди, постари лица и за сите оние кои се нови за физичка активност.

Студија од 2015 година, исто така, покажа дека одењето во вода може да го зголеми отчукувањата на срцето повеќе отколку одење на копно, што може да биде добро за срцето и белите дробови. Друга студија покажа дека одењето во вода може да помогне во намалувањето на крвниот притисок, особено кај луѓето кои штотуку почнуваат да вежбаат.

На почетокот шетајте во вода која е приближно на висина на половината. Фокусирајте се на правилната форма, т.е. бидете сигурни дека грбот е исправен, рамената се повлечени наназад, брадата е нагоре и гледате право напред.

Додека одите, обидете се да го држите торзото исправено, без да се потпирате премногу на двете страни. Кога ќе се навикнете да одите во овие услови, можете полека да одите подлабоко и постепено да го зголемувате темпото.

Секако, сигурни сме дека различните стилови на пливање ќе бидат избор на повеќето луѓе, но пред да заминете од морето, секогаш можете да направите кратка прошетка и на тој начин да вклучите дополнителна физичка активност во вашата дневна рутина. На крајот на краиштата, прошетката може да биде добра опција со лежерните разговори што сите сакаме да ги водиме на плитко.