Македонската фудбалска репрезентација дополнително ќе биде хендикепирана за утрешниот пријателски меч со Азербејџан (14 часот) на Националната Арена „Тодор Проески“, зашто нема да играат напаѓачот Бојан Миовски и стандардниот лев бек Езџјан Алиоски. Миовски поради болест не е во конкуренција, а Алиоски е ослободен од обврските.

Advertisements

„За жал утре Миовски нема да игра поради болест, а Алиоски од приватни причини го ослободив од обврските и ќе мора да играме без нив двајца“, рече селекторот Благоја Милевски.

Миовски против Финска влезе на почетокот на второто полувреме, а Алиоски беше човекот што го изнуди пеналот за ремито кој го реализираше Енис Барди.

Поради повреди отпаднаа Александар Трајковски, Милан Ристовски, Аријан Адеми, како и од претходно повредените Дарко Чурлинов, Тихомир Костадинов и Дејан Илиев.

Прикажи повеќе