Џанлуиџи Донарума ќе го напушти Милан ова лето и со тоа ќе се стави крај на контроверзната долгорочна љубовна приказна.
Донарума го следеше неговото срце и како момче го избра Милан пред Интер. На 16-годишна возраст доби можност да брани за првиот тим на „росонерите“, шансата му укажа тогашниот тренер Синиша Михајловиќ, а по долго чекање го прослави пласманот во Лигата на шампионите со својот сакан клуб.
Сепак, се чини дека Донарума нема да го почувствува тој шарм на химната во Лигата на шампионите на Сан Сиро, со оглед на тоа што веќе е јасно дека нема да брани во Милан следната сезона. Неговиот договор со Милан истекува на крајот на јуни, а тој и неговиот агент Мино Раиола во голема мера се договорија за подобри услови во друг клуб. Се шпекулира дека станува збор за Јувентус, иако ПСЖ и некои други богати европски екипи сè уште се во центарот на вниманието.
Дека заминува стана јасно откако во Миланело пристигна голманот на Лил, Мајк Маигнан, кој беше на лекарски прегледи и кој ќе потпише договор со Милан. Имајќи предвид дека тој беше прв голман на новиот шампион на Франција и дека му се даваат околу 3 милиони евра по сезона, а на Лил 15 милиони со бонуси на име отштета, јасно е дека тој ќе биде првиот голман …
Овој „конфликт“ меѓу Донарума, Раиола и Милан трае подолго време. Клубот му ја даде капитенската лента, сите можности, подобрени услови, но тој едноставно одби да оди на највисоките граници поставени од Раиола и неговиот клиент.
Навистина имаше многу скандали околу Милан и Донарума. Само запомнете дека навивачите на Милан фрлаа парички кон него на теренот, му го дадоа прекарот „Доларума“ и дека неодамна рекоа дека тој може веднаш да го напушти Милан доколку веќе одлучил да се приклучи во редовите на ривалот Јувентус.
Ја напиша историјата на Милан како најмлад голман, истото го стори и на голот на италијанската репрезентација и нема сомнеж дека тој е веќе наследник на одличниот Џанлуиџи Буфон.
Тој можеше да стане легенда на Милан за сите времиња, икона, но тој побара 10 милиони евра по сезона, и јасно е дека Милан не е толку финансиски силен, и дека особено во ова време на криза, тој не може да одговори на ваквите барања.
Донарума наводно веќе се простил од соиграчите по победата во Бергамо над Аталанта, сега тој само ја чека конечната одлука за неговиот нов тим. Се верува дека одлуката ќе ја соопштат во јули, по Европското првенство, но упорните италијански новинари веројатно ќе ни откријат сè многу порано.
