Македонскиот репрезентативец го израмни рекордот по бројот на настапи од клупата во најсилното италијанско првенство.
Горан Пандев настапи од 71 минута во гостинската победа на Џенова вчера против Кротоне (0:3).
Тоа беше 154 настап на Пандев како замена во Серија А, и така се израмни со поранешниот италијански репрезентативец Серџо Пелисие.
Наскоро нашиот играч се очекува да биде и апсолутен рекордер, следниот меч неговиот клуб ќе го има на 6 февруари дома во македонскиот дуел против Наполи на Елиф Елмас.
Пандев ја игра својата шеста сезона во Џенова, претходно играше и за Галатасарај, Наполи, Интер, Лацио, Анкона, Специја и Беласица.
154 – Goran Pandev today has made his 154th appearance as substitute in #SerieA: he has equaled Sergio Pellissier as the player with the most appearances from the bench in the Italian top flight in the three points to win era. Support.#CrotoneGenoa
— OptaPaolo (@OptaPaolo) January 31, 2021
