За македонската најдобра репрезентација останува уште еден натпревар на Светското првенство, тоа е третиот дуел од главната фаза против Белорусија.
Мечот е закажан за в недела од 15.30 часот во Каиро, можеби и добра шанса да се заврши Мундијалот со уште еден триумф.
Селекторот Данило Брестовац по последниот нов убедлив пораз од 32:20 од Русија, истакна дека повторно се повторуваат грешките, но имаме млад тим од кој очекува да биде подобар во наредните натпреварувања.
– Пропуштивме многу шанси против селекцијата на Русија и затоа разликата на крајот беше голема. Мора да покажеме подобри перформанси на последниот дуел во групата против Белорусија – вели нашиот репрезентативец Дарко Георгиевски.
Георгиевски кој игра на позицијата лев бек, севкупно досега на овој Мундија постигна четири гола, по еден против Шведска и Египет и два против Русите, а не беше во составот за натпреварите со Чиле и Словенија.
