Македонскиот репрезентативец Енис Барди, кој завчера го даде голот од пенал за реми против Финска во првиот пријателски меч, посочи дека потребна е победа за македонската селекција утре од 14 часот против Азербејџан за да се крене атмосферата пред мартовскиот почеток на новиот евроквалификациски циклус.
Advertisements
„Нема фаворити денеска во фудбалот, така да наше е да влеземе максимално. Ставивме акцент на анализа на грешките кои ги направивме и сето тоа да го поправиме. Мора да одиграме сконцентрирано. Нам ни треба победа за да ја кренеме атмосферата на едно ниво кое ни е потребно за тоа што нè чека во март. Од тоа што досега сме го одиграле, овој утрешен меч ќе биде сосема различен и Азербејџан е силна селекција. Станува збор за силен тим, кој е многу цврст тим на топка. Тие се незгоден противник и ова ќе биде одличен тест. Ние од друга страна ако одиграме како што знаеме, ќе дојдеме до победа“, додаде Барди.
