Првиот носител Стефанос Циципас стартуваше со победа на тенискиот турнир на тврда подлога во Ротердам кој има награден фонд од 2 милиони евра. Циципас победи со 2:0 во сетови (7:5, 6:1) против Емил Русувуори од Финска во својот прв меч по поразот на финалето на Австралија опен на крајот на јануари. Русувуори започна подобро и поведе со 4:2 во гемови, но до крајот Гркот зеде 11 од следните 13 гемови за да направи пресврт и да забележи триумф.
Данил Медведев, кој е шести носител, стигна до успех против Алехандро Давидович Фокина од Шпанија со 2:1 во сетови (4:6, 6:2, 6:2). Медведев го загуби првиот сет, но потоа го подигна нивото на играта и забележа победа. Феликс Оже-Алијасим убедливо, со триумф од 2:0 во сетови (6:2, 6:3) ја започна одбраната на титулата над италијанецот Лоренцо Сонего./Makfax/
