Вицепремиерот за економски прашања Фатмир Битиќи повикува сите да се вклучат во консултативниот процес за модифицираниот француски предлог за стартот на преговорите на Северна Македонија со ЕУ. Како што вели, тој лично ќе поддржи само одлука која го почитува идентитетот и јазикот на неговите другари и пријатели:
-Со големо внимание ги следам коментарите и реакциите на целата јавност околу актуелниот развој на настаните поврзани со почетокот на преговорите за влез во ЕУ.
Лично сум осетил какво е чувството некој да негира идентитет, јазик и постоење и затоа јасно знам колку сето тоа е против сите вредности за кои јас се залагам и работам. Тоа се црвени линии кои успешно ќе ги заштитиме!
Заеднички ќе изнајдеме решение кое ќе ја обезбеди нашата посакувана Европска иднина, но и истовремено ќе го заштити достоинството на нашата држава и народ.
Јас ќе ја поддржам секоја одлука која што го почитува идентитетот и јазикот на моите другари, пријатели и сограѓани, а за која тие нема да имаат никаква резерва.
Затоа активно ги повикувам да се вклучат во консултативниот процес и јасно да го искажат својот став!
Решенијата мора да ги градиме со солидарност и меѓусебна емпатија – друг пат нема!
Ќе успееме!, порача Битиќи преку социјалните мрежи.