Макс Ферстапен во “Ред Бул” го постави најдоброто време на вториот тренинг пред Монако ГП трката, која заврши предвреме откако Карлос Саинс Јуниор во Ферари ја закачи бариерата на излезот на славната улична патека, иако поголемиот дел од сесијата се бореше за прво место.
На крајот Ферстапен заврши со предност од само 0.065 секунди пред вториот возач на Ферари, Шарл Леклер. Саинс заврши на третото место пред Фернандо Алонсо во Астон Мартин, додека Луис Хамилтон во целосно преуредениот Мерцедес беше само на шестото место. Мерцедес донесоа нова предна суспензија, крила и под во најголемата промена оваа сезона кај било кој тим.
Лендо Норис во Мекларен беше импресивен со петто место пред Хамилтон во болид кој не импресионираше оваа сезона. Серхио Перез, колегата на Ферстапен и „мајстор“ за уличните трки беше на седмото место.
