Швајцарскиот тенисер Роџер Федерер нема да учествува на Австралија опен во 2022 година поради повреда. Грен слемот во Мелбурн ќе се одржи на почетокот на следната година.
– Ќе можам да почнам полека да џогирам во јануари и да се вратам на тренинзите на теренот во март или април. Треба да бидам трпелив и да му дадам време на моето колено да заздрави. Следните неколку месеци ќе бидат дефинирани. Мислам дека ќе почнам да настапувам летото 2022 година. Би бил многу изненаден ако можам да се вратам на Вимблдон. Имав скинат менискус и ‘рскавица на коленото. Лекувањето на овие повреди бара трпение и дискреција. Започнав долг процес на рехабилитација и ќе работам на него со целосна посветеност. Сакам да видам на што сум способен за последен пат. Исто така, би сакал да се збогувам со тенисот на теренот и според моите услови. Затоа сите сили ги ставам на рехабилитација. Но, мојот живот дефинитивно нема да биде уништен ако не успеам повторно да играм во финалето на Грен слем. Знам дека ќе биде тешко да се натпреваруваш на врвно ниво, но верувам во чуда, изјави Федерер.
Четириесетгодишниот тенисер е 20-кратен победник на Грен слем, освојувач на олимписки сребрен медал во сингл (2012) и олимписки шампион во двојки (2008).
