Фудбалерот на Мускат, 29- годишниот Мукалед Ал Ракади почина пред натпреварот од Професионалната лига на Оман помеѓу Мускат и Ал Суваик.
Тој само паднал на земја за време на загревањето, по што медицинските лица веднаш се обиделе да му помогнат. Сепак, немало можност за спас, а се претпоставува дека се работи за срцев удар.
Натпреварот поради трагедијата бил одложен, а сите играчи и навивачи на стадионот биле во шок кога ја дознале трагичната вест.
-Со тага во срцето ја прифаќаме Божјата волја. Управниот одбор на клубот и сите соработници на Мускат упатуваат најдлабоко сочувство до семејството на Ал-Радаки. Го молиме Бога да има милост кон него. Ние му припаѓаме на Бога и ќе се вратиме кај Бога, се вели во соопштението на клубот.
Muscat Player Mukhaled Al-Raqadi Passes Away..#Oman Muscat FC player Mukhaled Al-Raqadi died after being taken to hospital after falling while warming up before the start of his team’s match with Al-Suwaiq FC today in the 6th round of the Omantel Football League. pic.twitter.com/TdEKk3fElU
— Ayman Mat News (@AymanMatNews) December 22, 2021
