Никој во Европа не починал откако бил заразен со мајмунски сипаници, покажуваат податоците со кои располага Европскиот центар за превенција и контрола на болести (ЕЦДЦ) и Регионалната канцеларија за Европа на Светската здравствена организација (СЗО), објавено е по заедничката анализа на епидемијата.

Овие две тела регистрирале 5.949 случаи на мајмунски сипаници во 33 европски земји и региони, а огромното мнозинство од заразените, односно 99,6 отсто се мажи.

Според податоците на ЕЦДЦ и СЗО, 42 отсто од заразените се на возраст од 31 до 40 години.

Меѓу случаите со познат ХИВ статус, 40 проценти биле заразени.

Повеќето случаи се претставени со осип и системски симптоми како треска, замор, болки во мускулите, повраќање, дијареа, болки во грлото или главоболка.

Податоците на ЕЦДЦ наведуваат дека се пријавени 15 случаи на здравствени работници, но во тек е понатамошна истрага за да се утврди дали инфекцијата е резултат на професионална изложеност.

Republika.mk – содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.