Новак Ѓоковиќ се наоѓа пред една од најважните одлуки во кариерата. Српскиот тенисер, мора да реши дали ќе се вакцинира против коронавирусот. Австралија не му дозволи да игра на Австралија опен, а се уште не е познато какви ќе бидат условите за настап на останатите гренд слем турнири.

Даниел Микш, авторот на биографијата на првиот светски тенис, откри дека Ѓоковиќ е блиску до одлуката да прими вакцина против коронавирусот.

„Од блиски луѓе на Ѓоковиќ слушнав дека тој ќе се вакцинира. Можеби финалето во Мелбурн го натера да ја смени одлуката. Без сомнение 21.гренд слем титула на Надал ќе го натера да го смени мислењето“, рекол Микш за ТВ „Сервус“.