Трофејниот италијански тренер Марсело Липи ги избра најдобрите играчи со кои работел во текот на неговата успешна кариера.
Липи ја започна својата тренерска кариера пред повеќе од 40 години, а најславните денови ги помина како селектор на Италија со која го освои Светското првенство во 2006 година и како тренер на Јувентус. Со клубот од Торино пет пати ја освои Серија А, еднаш беше најдобар во Лигата на шампионите, а со клубот освои вкупно 13 титули.
Од плејадата врвни ѕвезди со кои Липи имал можност да работи, во две категории го смести Фабио Канаваро.
Канаваро како капитен на репрезентацијата го подигна трофејот на Светското првенство, а претходно играше и во финалето на ЕУРО 2000 година, ФИФА го прогласи за најдобар фудбалер на светот, а тој беше и добитник на наградата „Златна топка“.
Липи го став Канаваро во две категории, но во истити две категории се наоѓа и Чиро Ферара. Липи едноставно не можел да се одлучи кој е подобар во категориите на играчи кои најдобро играа со глава и кои најдобро се позиционираа на теренот.
Изборот на Липи на најдобрите играчи со кои работел во кариерата:
Најдобар удар: Франческо Тоти
Најдобра техника: Алесандро Дел Пјеро
Најдобар лидер: Џанлука Вијали
Најдобар во шеснаесетникот: Лука Тони
Најдобро позиционирање: Фабио Канаваро и Чиро Ферара
Најдобар удар со глава: Фабио Канаваро и Чиро Ферара
Најдобар дриблинг: Зинедин Зидан
Апсолутен гениј: Роберто Баџо
Текстот Липи ги избра најдобрите играчи кои ги тренирал во кариерата е превземен од МАКФАКС.
