Силна експлозија го погоди центарот на италијанскиот град Милано, објави новинскиот канал „Скај ТГ 24“.

Најмалку пет автомобили и четири мопеди се запалени, а пожарот се проширил кон становите на улица и кон аптека како резултат на експлозијата, соопшти телевизијата. Наводно, комбе експлодирало на улица во квартот Порта Ромања во близина на центарот на Милано.

Според „Ла Република“, комбето превезувало боци со кислород кога експлодирало предизвикувајќи домино-експлозии.

Во експлозијата се повредени четири лица, пренесува „Ервоњуз“.

Видеоснимките од местото на настанот прикажуваат паркирани автомобили како горат и облак густ црн чад што се издигнува кон небото. Според извештаите, по експлозијата, било евакуирано блиското училиште.

Причината за експлозијата не е позната.

ПОВРЗАНИ НАПИСИПОВЕЌЕ ОД АВТОРОТ