Австралиската влада објави одговор на 13 страници на жалбата што Новак Ѓоковиќ ја поднесе до Федералниот и семеен суд во Мелбурн пред вечерашното судење на најдобриот тенисер во светот.

Не сака да биде депортиран од земјава поради „неисполнување на правилата“, кои самите ги пропишуваа и неколкупати ги менуваа без да ја информираат јавноста на вистински начин.

За да биде комедијата уште поголема, Австралијците сега објавија одговор на 13 страници во кои се издвојуваат две важни точки. Првата е дека никој не му дава сигурност на некое лице дека неговото медицинско ослободување ќе биде прифатено.

– Не постои јасно правило или сигурност дека странец може да влезе во Австралија. Има критериуми според кои ние го одобруваме и имаме свои причини за одбивање виза. Никој не го уверувал лицето дека ќе му биде прифатено медицинското ослободување – пишува во образложението.

Но, уште поскандалозно е тоа што Новак може повторно да биде уапсен дури и ако победи на суд. Така, Владата на Австралија се чини дека вели дека е над сопствените правосудни органи?!

– Доколку судот донесе одлука обвинетиот да биде ослободен од карантин, ние сепак можеме да го ставиме во притвор, без разлика на одлуката на судот. Одлуката на судот да го ослободи не гарантира дека властите на Комонвелтот нема повторно да го приведат – продолжува објаснувањето.

Сега стана јасно дека сето тоа е многу повеќе од спорт и дека австралиската влада се однесува крајно дискутабилно. И сето тоа пред вечерашното судење кое треба да одлучува за ситуацијата на Новак.